miércoles, 12 de mayo de 2010
O Team Mayador
O Campionato de España de Montaña 2010 comezaba o 1 e 2 de Maio para o Team Mayador, con motivo da celebración da 31º Subida a Falperra que achegaba á localidade portuguesa de Braga o Campionato de Europa de Montaña e os certames portugués e español da modalidade.
A cita lusa coa montaña de máximo nivel foi o comezo da suma de puntos dentro da Clase 15, categoría á que opta o Team Mayador, con José María Magdaleno aos mandos do Renault Sport Mègane Trophy.
Na xornada do sábado a chuvia fixo acto de presenza, algo que prexudicou as prestacións dun Renault Sport Mègane Trophy adaptado para as competicións de circuíto e que non se encontraba nada cómodo no trazado montañeiro portugués. Pero non foi motivo para que José María Magdaleno lograse a terceira praza da Clase 15, a segunda do Grupo A2-SP e a vixésimo primeira da xeral final da proba, marcando un crono de 02:45´656.
Pero José María Magdaleno sabía que o domingo podería mellorar o seu tempo, sobre todo ao ver que a chuvia xa non caía sobre o trazado e desta forma mellorar a súa posición na xeral final. E así se lograba, marcando o Team Mayador un excelente crono de 02:38:192 que o situaba como décimo sétimo na táboa xeral, repetindo as posicións do sábado no seu grupo e clase, polo que o equipo comezaba a sumar os seus primeiros puntos da tempada.
Suscribirse a:
Enviar comentarios (Atom)
No hay comentarios:
Publicar un comentario