Finalizada a primeira etapa do Rally Cantabria Infinita, disputada na súa totalidade -2 longos e selectivos tramos de case 32 e 28 km- baixo unha intensa chuvia, a proba está liderada polo cántabro Enrique Ojeda, seguido polo asturiano Berti Hevia e por Sergio Vallejo, integrante do Nupel Rally Team que compite aos mandos dun Ford Fiesta S2000.
Todo apunta a que a climatoloxía non experimentará variacións durante a xornada do sábado, na que se percorrerán outras seis especiais cronometradas, tras as que se coñecerá quen será os pilotos que ocuparán definitivamente as posicións de privilexio nunha das edicións máis complicadas dos últimos anos. A segunda xornada dará inicio ás 7.30 con saída en Torrelavega para finalizar ás 14.24 en Santander.
Clasificación provisional do Rally Cantabria tralo primeiro día
1.Enrique García Ojeda/Jordi Barrabés (Subaru Impreza WRX) - 41.41.1
2. Alberto Hevia/Alberto Iglesias (Skoda Fabia S2000) - a 25.6
3. Sergio Vallejo/Diego Vallejo (Ford Fiesta S2000) - a 1.24.6
4. Pedro Burgo/Marcos Burgo (Mitsubishi Lancer Evo X) - a 1.34.2
5. Víctor Senra/David Vázquez (Mitsubishi Lancer Evo X)- a 1.42.2
No hay comentarios:
Publicar un comentario